102 குகைக்குள் சுவாரஸ்யமான ரயில் பயணம்

ஹிமாச்சல் தலைநகர் சிம்லா. இது சராசரி கடல் நீர் மட்டத்திலிருந்து 7467 அடி உயரத்தில் அமைந்துள்ளது. இது பிரபலமான சுற்றுலா இடங்களில் ஒன்று.

ஹரியானாவின் கல்காவிலிருந்து மலைவாசஸ்தளமான சிம்லாவுக்கு பொம்மை ரயில் போக்குவரத்து உள்ளது.

இந்த ரயில் பாதையில் 102 சுரங்கப்பாதைகள் உள்ளன. இந்தியாவில் அதிகமாக சுரங்கப் பாதைகள் இருப்பது இங்கு தான்.

மேலும், இங்கு 912 வளைவுகள், 969 பாலங்கள் உள்ளன. சராசரி வேகம் மணிக்கு 25 - 30 கி.மீ., ஆகவுள்ளது.

இமயமலை மலைகள் வழியே அழகிய பள்ளத்தாக்குகள், பனிமூட்டமான புல்வெளிகள் மற்றும் சுரங்கங்கள் என மூச்சடைக்க வைக்கிறது இந்த பாரம்பரிய பொம்மை ரயில் பயணம்.

இந்த கல்கா- சிம்லா ரயில் பாதை, வரலாறு மற்றும் பொறியியல் சிறப்புக்காக யுனெஸ்கோவின் உலக பாரம்பரிய தளங்கள் பட்டியலில் இடம் பெற்றுள்ளது.

ஆங்கிலேயர் ஆட்சியில் கோடைக்கால தலைநகராக சிம்லா இருந்ததால், இந்நகருக்கு ரயில் போக்குவரத்து வசதிகள் செய்யப்பட்டது குறிப்பிடத்தக்கது.