தீபாவளி ஸ்பெஷல்... மொறு மொறு தட்டை முறுக்கு !

தேவையானப் பொருட்கள்: அரிசி மாவு : 1 டம்ளர், உளுந்து : 2 டேபிள் ஸ்பூன், பொட்டுக்கடலை : 2 டேபிள் ஸ்பூன், கடலைப்பருப்பு : 2 டேபிள் ஸ்பூன், எள் : 1/2 டீஸ்பூன்

சிவப்பு மிளகாய் : 4, கறிவேப்பிலை : 1 கொத்து, பூண்டு : 8 பல், பெருங்காயத்தூள் : 1/2 டீஸ்பூன், உப்பு, எண்ணெய் : தேவையான அளவு

சூடான கடாயில் அரிசி மாவை ஈரப்பதம் போகுமாறு ஓரிரு நிமிடங்கள் நன்றாக வறுக்கவும்.

உளுந்துப்பருப்பையும் ஒரு சில நிமிடங்கள் வறுத்து, பொட்டுக்கடலையுடன் சேர்த்து மிக்சி ஜாரில் நைசாக அரைக்கவும். கடலைப்பருப்பை அரைமணி நேரம் தண்ணீரில் ஊற வைக்கவும்.

மிளகாய் மற்றும் பூண்டை மிக்சி ஜாரில் சிறிது தண்ணீர் சேர்த்து நன்றாக அரைக்கவும்.

இதனுடன், அரிசிமாவு, அரைத்த உளுந்து மற்றும் பொட்டுக்கடலை, பொடிப்பொடியாக நறுக்கிய கறிவேப்பிலை, பெருங்காயத்தூள், ஊறவைத்த கடலைப்பருப்பு, எள், தேவையான அளவு உப்பு மற்றும் சிறிதளவு எண்ணெய் சேர்த்து சப்பாத்தி மாவு பதத்தில் பிசையவும்.

சிறு சிறு உருண்டைகளாக எடுத்து, சப்பாத்தி பலகையில் சிறிது எண்ணெய் தடவி, தட்டையாக தேய்க்கவும். இல்லாவிட்டால் சப்பாத்தி பிரஷர் பலகையில் ஒரு அழுத்து அழுத்தும்போது சீராக வரக்கூடும்.

பின், கடாயில் எண்ணெய் ஊற்றி காய்ந்தவுடன், தட்டைகளை போட்டு பொன்னிறமாக பொரித்தெடுக்க வேண்டும். தணலை மிதமாக வைத்தால் முறுக்குகள் நன்றாக மொறு மொறுப்பாக வரும்.

அவ்வளவுதான் மொறு மொறு தட்டைமுறுக்கு ரெடி. செய்வது மிகவும் எளிதானதே; குறைந்த நேரத்தில் முறுக்குகளை செய்யலாம். பாரம்பரியமான சுவையுடன் இந்த தீபாவளியை கொண்டாடுவோம்.