வாஷிங்டன்: டிரம்ப் உடனான மோதலை அடுத்து எலான் மஸ்கின் டெஸ்லா நிறுவன பங்குகள் விலை 14 சதவீதம் வீழ்ச்சி அடைந்துள்ளது.

அமெரிக்க அதிபர் டிரம்ப்- தொழிலதிபர் எலான் மஸ்க் இடையிலான மோதல் உச்சகட்டத்தை எட்டியுள்ளது. டிரம்ப், எலான் மஸ்க் மாறி, மாறி குற்றச்சாட்டுகளை முன் வைத்து வருவதால் அமெரிக்க அரசியலில் பரபரப்பு ஏற்பட்டுள்ளது.

டிரம்ப் உடனான மோதலை அடுத்து எலான் மஸ்கின் டெஸ்லா நிறுவன பங்குகள் விலை 14 சதவீதம் வீழ்ச்சி அடைந்துள்ளது. இந்த நிறுவனத்தின் சந்தை மதிப்பு ஒரே நாளில் 150 பில்லியன் டாலர்கள் (இந்திய மதிப்பு படி ரூ.13.14 லட்சம் கோடி) சரிந்துள்ளது.

எலான் மஸ்க்கின் மின்சார வாகன நிறுவனத்தின் பங்குகள் சரிந்தன. மஸ்க்- டிரம்ப் உடனான மோதல் அதிகரித்து வரும் நிலையில் டெஸ்லா பங்குகள் மேலும் சரிவடையும் என முதலீட்டார்கள் கணித்துள்ளனர்.

கடந்த 2016ம் ஆண்டிற்கு பிறகு, டெஸ்லா பங்குகள் உயர தொடங்கியது. கடந்தாண்டு, அமெரிக்க அதிபராக டிரம்ப் வெற்றி பெற்ற போது, எலான் மஸ்கின் சொத்து மதிப்பு உயர தொடங்கியது. அவரது நிறுவன பங்குகள் மதிப்பும் உயர துவங்கியது. தற்போது மோதலால் சரிவை நோக்கி சென்றுள்ளது.