வாஷிங்டன்: சி.என்.என்., தொலைக்காட்சி ஏற்பாடு செய்த விவாத நிகழ்ச்சியில், ஜோ பைடன் மற்றும் டிரம்ப் பங்கேற்றனர். இதில் அமெரிக்க அதிபர் ஜோ பைடன் சொதப்பியது விமர்சனத்தை ஏற்படுத்தியது. விவாத மேடையில் கிட்டத்தட்ட நான் தூங்கிவிட்டேன் என ஜோ பைடன் விளக்கம் அளித்துள்ளார்.

அமெரிக்க அதிபர் பதவிக்கான தேர்தல் நவம்பரில் நடக்க உள்ளது. இதில், ஜனநாயக கட்சி சார்பில், தற்போதைய அதிபர் ஜோ பைடன் மற்றும் குடியரசு கட்சி சார்பில் முன்னாள் அதிபர் டொனால்டு டிரம்ப், 78, போட்டியிட உள்ளனர். இந்நிலையில், பைடன் மற்றும் டிரம்ப் பங்கேற்ற பொது விவாத நிகழ்ச்சி நடந்தது. இருவரும் வரம்புமீறி, தனிப்பட்ட தாக்குதல்களில் ஈடுபட்டனர். ஒட்டுமொத்தமாக பார்க்கும்போது, ஜோ பைடன் பெரும்பாலான கேள்விகளுக்கு பதில் அளிக்காமல் திணறினார்.