வியன்னா: ஆஸ்திரியா சென்றுள்ள பிரதமர் மோடியை வரவேற்ற அந்நாட்டு பிரதமர் கார்ல் நெகம்மர் ‛செல்பி' எடுத்து மகிழ்ந்தார்.

இரு நாள் பயணமாக ரஷ்யா, ஆஸ்திரியா சென்றுள்ள பிரதமர் மோடி ரஷ்யா சென்று அந்நாட்டு அதிபர் விளாடிமிர் புடினை சந்தித்து பல்வேறு விஷயங்கள் குறித்து பேசினார். தொடர்ந்து ரஷ்ய பயணத்தை முடித்துவிட்டு ஆஸ்திரியா தலைநகர் வியன்னா சென்றடைந்தார்.

ஆஸ்திரியா சென்றுள்ள பிரதமர் மோடிக்கு அந்நாட்டு பிரதமர் கார்ல் நெகம்மர் உற்சாக வரவேற்பு அளித்தார். பின்னர், மோடியுடன் கார்ல் நெகம்மர் ‛செல்பி' எடுத்து மகிழ்ந்தார். இதனைத்தொடர்ந்து ஆஸ்திரியா அதிபர் அலெக்ஸாண்டர் வான் டிர் பெல்லனை சந்தித்து இரு தரப்பு பரஸ்பரம் ஒத்துழைப்பு குறித்து பேசுகிறார்.