சென்னை: விக்கிரவாண்டி இடைத்தேர்தலில் போட்டியிடும் பா.ம.க., வேட்பாளராக, அக்கட்சியின் துணைத் தலைவர் சி.அன்புமணி அறிவிக்கப்பட்டு உள்ளார்.

விக்கிரவாண்டி இடைத்தேர்தல் ஜூலை 10 ம் தேதி நடைபெற உள்ளது. திமுக சார்பில் அன்னியூர் சிவா, நாம் தமிழர் கட்சி சார்பில் அபிநயா ஆகியோர் வேட்பாளர்களாக அறிவிக்கப்பட்டு உள்ளனர். தேசிய ஜனநாயக கூட்டணி சார்பில் பா.ம.க., போட்டியிடும் என நேற்று( ஜூன் 14) அறிவிப்பு வெளியானது.

இந்நிலையில், இன்று வேட்பாளரை பா.ம.க., அறிவித்துள்ளது. இதன்படி, விக்கிரவாண்டி இடைத்தேர்தலில் மாநில துணைத் தலைவராக இருக்கும் சி.அன்புமணி என்பவர் போட்டியிடுவார் என அறிவிக்கப்பட்டு உள்ளது.