ஏமாற்றமாக உள்ளது!

நீண்ட நாட்களாக விஜய் ரசிகராக இருந்து, த.வெ.க.,வில் இணைந்தேன். வெகுகாலமாக அவரை நேரில் சந்திக்க வேண்டும் என முயற்சிக்கிறேன். இந்த முறை பிறந்த நாளில், எப்படியும் கட்சியினரை அவர் சந்திப்பார் என்று லோக்கல் நிர்வாகிகள் சொன்னார்கள். அதை நம்பி, கட்சி அலுவலகம் இருக்கும் பனையூருக்குச் சென்று விஜயை பார்க்க, நாள் முழுதும் காத்திருந்தேன். ஆனால், அவர் கடைசி வரை, பனையூர் பக்கமே வரவில்லை. மிகுந்த ஏமாற்றத்தோடு, ஊர் திரும்பினேன். கட்சியின் தலைவராக இருப்பவரை கட்சித் தொண்டர்களே பார்க்க முடியாத நிலை இருக்கும்போது, அவரால், மக்களுக்காக எப்படி பணியாற்ற முடியும் என தெரியவில்லை?முருகேசன், த.வெ.க., தொண்டர், மன்னார்குடி வராதது வேதனை!நடிகர் விஜயால் தான் தமிழகத்தில் அரசியல் மாற்றம் நிகழும் என நம்பும் லட்சோப லட்சம் மக்களில் நானும் ஒருவன். சினிமாவில் அவர் பேசும் வசனம், நடிப்பு பார்த்து அவர் மீது ஈர்ப்பு கொண்டேன். அவர், அரசியல் மாற்றத்துக்காக, த.வெ.க.,வை துவங்கியதும், அதில் நானும் என்னை இணைத்துக் கொண்டேன். முடிந்த அளவு கட்சிப் பணிகளையும், மக்கள்நல பணிகளையும் செய்து வருகிறேன். அவர், எங்கள் ஊர் பக்கம் நிகழ்ச்சிகளுக்கு வந்ததில்லை. அதனால், இந்த பிறந்த நாளிலாவது அவரை சந்திக்கலாம் என்பதற்காக ஊரில் இருந்து வந்தேன். என்னைப் போல் வந்தவர்கள் பலரும் சேர்ந்து, நடிகர் விஜய் தரிசனத்துக்காக பனையூரில் காத்திருந்தோம். கடைசி வரை அவர் வராதது வேதனை.செல்வகுமார், த.வெ.க., தொண்டர், தர்மபுரி