கருணாநிதி குடும்பம் இருக்கும்வரை வேறு எவரும் தலைமை பதவிக்கு வரமுடியாது. உழைக்கலாம், அந்த உழைப்பை உறிஞ்சுகின்ற குடும்பம் ஸ்டாலின் குடும்பம். நாட்டில் எத்தனையோ கட்சி இருக்கிறது, இப்படி குடும்ப ஆட்சி நடத்தும் கட்சி இருக்கிறதா? ஸ்டாலின் முதல்வர், உதயநிதி துணை முதல்வர், கனிமொழி மக்களவை குழு தலைவர், ஏன் அந்த கட்சியில் வேறு எம்பியே இல்லையா? எல்லாமே குடும்பத்தினர் தான். ஆட்சியிலும், கட்சியிலும் அதிகாரத்திலும் அவர்கள்தான் இருக்க முடியும். ஒரு குடும்பம் வாழ 8 கோடி மக்கள் சுரண்டப்படுவதை நாம் அனுமதிக்கலாமா?

இதற்கெல்லாம் தேர்தல் 2026ம் ஆண்டு சட்டசபை தேர்தலில் முடிவு கட்டுங்கள். அதிமுக பாஜவோடு கூட்டணி வைப்பதில் என்ன தவறு? இதுவே 1999 மற்றும் 2001 தேர்தல்களில் திமுக, பாஜவோடு கூட்டணி வைத்து மத்திய அமைச்சரவையிலும் இடம் பெற்றிருந்தது. அவர்கள் கூட்டணி வைத்தால் பாஜ நல்ல கட்சி.