நடந்து முடிந்த பிரிட்டன் பொது தேர்தலில், தொழிலாளர் கட்சி 14 ஆண்டுகளுக்கு பின் மாபெரும் வெற்றி பெற்றுள்ளது. இந்திய வம்சாவளியான ரிஷி சுனக்கின் கன்சர்வேடிவ் எனப்படும், பழமைவாத கட்சி வரலாறு காணாத தோல்வியை தழுவியது. இதைத்தொடர்ந்து, பிரிட்டன் மன்னர் மூன்றாம் சார்லசை சந்தித்த தொழிலாளர் கட்சி தலைவர் கேர் ஸ்டாமர், அந்நாட்டின் பிரதமராக அதிகாரப்பூர்வமாக அறிவிக்கப்பட்டார்.

பிரிட்டன் தேர்தலில், தொழிலாளர் கட்சி வெற்றி பெற்று ஆட்சியை பிடித்துள்ளது. அக்கட்சியின் தேர்தல் அறிக்கையில், முதல்வர் ஸ்டாலின் தமிழகத்தில் செயல்படுத்தி உள்ள, 'முதல்வரின் காலை உணவு திட்டம், நான் முதல்வன் திட்டம், கருணாநிதி கனவு இல்லம் திட்டம்' இடம் பெற்றிருந்ததாகவும், பிரிட்டன் தேர்தலில் அக்கட்சி வெற்றிக்கு இதெல்லாமே முக்கிய காரணம் என்றும், ஆளும் தி.மு.க., தரப்பில் அதிகாரப்பூர்வமற்ற அறிக்கை உலா வருகிறது.