போலீசை குறை கூற முடியாது! த.வெ.க.,வினர் சத்திரம் பகுதியில் நிகழ்ச்சி நடத்த போலீஸ் அனுமதிக்காதது பற்றி, அமைச்சர் நேரு கூறியதாவது: அ.தி.மு.க., ஆட்சிக் காலத்தில் சிந்தாமணி, புத்துார் நால்ரோடு போன்ற பகுதிகளில் தி.மு.க.,வினர் ஆர்ப்பாட்டம் நடத்த போலீஸ் அனுமதி கேட்கப்பட்டது. அனுமதி கிடைக்கவில்லை. ஆளுங்கட்சியாக இருந்தாலும், எதிர்க்கட்சியாக இருந்தாலும், பொதுமக்களுக்கு இடையூறு இல்லாத இடங்களில் தான், இது போன்ற நிகழ்ச்சிகளை நடத்த வேண்டும். அப்படி நடத்தினால் மட்டும் தான், போலீசார் அனுமதி கொடுக்கின்றனர். அவர்கள் நடைமுறை என்னவோ, அதை பின்பற்றி அனுமதி கொடுக்கின்றனர். இதில், போலீசை குறை சொல்ல ஒன்றுமில்லை. இவ்வாறு அவர் கூறினார்.