இது குறித்து சட்டசபையில் முதல்வர் ஸ்டாலின் பேசியதாவது: அதிமுக பிரதான எதிர்க்கட்சியாக செயல்படவில்லை. பிரச்னை குறித்து அவையில் பேசாமல் வெளியில் சென்று பேசுவது அவையின் மாண்புக்கு அழகல்ல. வீண் விளம்பரத்தை தேடுவதிலேயே பிரதான எதிர்க்கட்சி முனைப்புடன் இருக்கிறது. கள்ளக்குறிச்சி துயர சம்பவத்தில் தமிழக அரசு அக்கறையோடு நடவடிக்கை எடுத்திருக்கிறது. இவ்வாறு அவர் பேசினார்.

ஜாதிவாரி கணக்கெடுப்பை மத்திய அரசு நடத்த வலியுறுத்தி சட்டசபையில் முதல்வர் ஸ்டாலின் தனித் தீர்மானம் கொண்டு வந்தார். மக்கள் தொகை கணக்கெடுப்புடன் சேர்த்து ஜாதிவாரி கணக்கெடுப்பையும் நடத்த வேண்டும் என தீர்மானத்தில் முதல்வர் ஸ்டாலின் குறிப்பிட்டுள்ளார்.