மதுரை:சென்னையில் இருந்து திருநெல்வேலிக்கு ராஜபாளையம், தென்காசி வழியாக பொங்கல் சிறப்பு ரயில் இயக்கப்படுகிறது.

ராஜபாளையம், தென்காசி வழியாக தாம்பரம் -- திருநெல்வேலி ரயில் -- 06003, ஜன., 11, 13, 16ல் தாம்பரத்திலிருந்து இரவு 9:50 மணிக்கு புறப்பட்டு மறுநாள் காலை 11:15 மணிக்கு திருநெல்வேலி வந்து சேரும்.

மறு மார்க்கத்தில் திருநெல்வேலி -- தாம்பரம் ரயில் - 06004, ஜன., 12,14,17ல் திருநெல்வேலியில் இருந்து மதியம் 2:15 மணிக்கு புறப்பட்டு மறுநாள் அதிகாலை 3:15 மணிக்கு தாம்பரம் சென்று சேரும். இந்த சிறப்பு ரயில்கள், செங்கல்பட்டு, விழுப்புரம், விருத்தாச்சலம், திருச்சி, திண்டுக்கல், மதுரை, விருதுநகர், சிவகாசி, ஸ்ரீவில்லிபுத்துார், ராஜபாளையம், சங்கரன்கோவில், கடையநல்லுார், தென்காசி, பாவூர்சத்திரம், கீழக்கடையம், அம்பாசமுத்திரம், கல்லிடைக்குறிச்சி, சேரன்மகாதேவி ஸ்டேஷன்களில் நின்று செல்லும்.

இந்த ரயில்களில் மூன்று ஏ.சி மூன்றடுக்கு, ஒன்பது ஏ.சி., குறைந்த கட்டண மூன்றடுக்கு, இரண்டு இரண்டாம் வகுப்பு, இரண்டு இரண்டாம் வகுப்பு பொதுப்பெட்டிகள் இணைக்கப்படும். இந்த ரயில்களுக்கான டிக்கெட் முன்பதிவு நடந்து வருகிறது.

தாம்பரம்- - துாத்துக்குடி ரயில்

முன்பதிவில்லா தாம்பரம் -- துாத்துக்குடி ரயில் - 06001, ஜன., 14, 16ல் தாம்பரத்திலிருந்து காலை 7:30 மணிக்கு புறப்பட்டு இரவு 10:45 மணிக்கு துாத்துக்குடி வந்து சேரும்.

மறுமார்க்கத்தில் துாத்துக்குடி -- தாம்பரம் ரயில் - 06002, ஜன., 15, 17ல் காலை 6:00 மணிக்கு புறப்பட்டு இரவு 8:30 மணிக்கு தாம்பரம் சென்று சேரும். இந்த ரயில்களில் 22 இரண்டாம் வகுப்பு பொதுப்பெட்டிகள், இரு இரண்டாம் வகுப்பு மாற்றுத்திறனாளிகளுக்கான பெட்டிகள் இணைக்கப்படும்.

செங்கல்பட்டு, மேல்மருவத்துார், திண்டிவனம், விழுப்புரம், கடலுார், சிதம்பரம், சீர்காழி, மயிலாடுதுறை, கும்பகோணம், தஞ்சாவூர், திருச்சி, திண்டுக்கல், மதுரை, விருதுநகர், சாத்துார், கோவில்பட்டி ஸ்டேஷன்களில் நின்று செல்லும்.