சென்னை:சர்வதேச நிலவரங்களால், நம் நாட்டில் கடந்த சில தினங்களாக, தங்கம் விலை உயர்வது, குறைவது என, அதிக ஏற்ற, இறக்கத்துடன் காணப்படுகிறது.

தமிழகத்தில் நேற்று முன்தினம், 22 காரட் ஆபரண தங்கம் கிராம், 8,610 ரூபாய்க்கும், சவரன், 68,880 ரூபாய்க்கும் விற்பனையானது. வெள்ளி கிராம், 108 ரூபாய்க்கு விற்கப்பட்டது.

நேற்று தங்கம் விலை கிராமுக்கு, 110 ரூபாய் உயர்ந்து, 8,720 ரூபாய்க்கு விற்பனையானது. சவரனுக்கு, 880 ரூபாய் அதிகரித்து, 69,760 ரூபாய்க்கு விற்கப்பட்டது. வெள்ளி விலையில் மாற்றமில்லை.