சென்னை: சென்னையில் இன்று (ஜூன் 30) 22 காரட் ஆபரண தங்கத்தின் விலை சவரனுக்கு ரூ.120 குறைந்து, ஒரு சவரன் ரூ.71,320க்கு விற்பனை செய்யப்படுகிறது. கிராமுக்கு ரூ.15 குறைந்து, ஒரு கிராம் ரூ.8,915க்கு விற்பனை ஆகிறது.

தமிழகத்தில், ஜூன் 21ம் தேதி தங்கம் கிராம், 9,235 ரூபாய்க்கும், சவரன், 73,880 ரூபாய்க்கும் விற்பனையானது. கடந்த சனிக்கிழமை (ஜூன் 28) தங்கம் விலை கிராமுக்கு, 55 ரூபாய் குறைந்து, 8,930 ரூபாய்க்கு விற்பனையானது. சவரனுக்கு, 440 ரூபாய் சரிவடைந்து, 71,440 ரூபாய்க்கு விற்கப்பட்டது.

கடந்த ஒரு வாரத்தில் மட்டும், தங்கம் விலை கிராமுக்கு, 305 ரூபாயும், சவரனுக்கு, 2,440 ரூபாயும் சரிவடைந்தது. நேற்று விடுமுறை தினம் என்பதால் தங்கம் விலையில் மாற்றமில்லை. இந்நிலையில், வார தொடக்க நாளான இன்று (ஜூன் 30) 22 காரட் ஆபரண தங்கத்தின் விலை சவரனுக்கு ரூ.120 குறைந்து, ஒரு சவரன் ரூ.71,320க்கு விற்பனை ஆகிறது.

கிராமுக்கு ரூ.15 குறைந்து, ஒரு கிராம் ரூ.8,915க்கு விற்பனை ஆகிறது. தங்கம் விலை சற்று குறைந்து நகைப்பிரியர்களுக்கு மகிழ்ச்சியை ஏற்படுத்தி உள்ளது.