உத்திரமேரூரில் அலட்சியம்

காஞ்சிபுரம் மாவட்டம் உத்திரமேரூர் ஒன்றியத்தில், 135 ரேஷன் கடைகளில், 49,890 கார்டுதாரர்கள் உள்ளனர். அதில் முதியோர், மாற்றுத்திறனாளிகளாக உள்ள, 5,200 கார்டுதாரர்கள் வீடுகளில், பொருட்கள் வழங்கப்பட வேண்டும். ஆனால், பெரும்பாலான ஊராட்சிகளில், மாற்றுத்திறனாளிகளின் வீடுகளுக்கு, ரேஷன் பொருட்கள் முறையாக சென்றடையவில்லை.
இது குறித்து, விசூர் கிராம மாற்றுத்திறனாளி வேல்முருகன் கூறுகையில்,''மாற்றுத்திறனாளி அடையாள அட்டை வைத்திருந்தும், எங்களுக்கு வீடு தேடி வந்து ரேஷன் பொருட்கள் வழங்கவில்லை. இதனால், 500 மீட்டர் துாரம் சென்று ரேஷன் கடையில் பொருட்களை பெற வேண்டிய சூழல் உள்ளது,'' என்றார்.
இதுகுறித்து, 'கூட்டுறவு துறை அதிகாரி ஒருவர் கூறுகையில், 'உத்திரமேரூர் தாலுகாவில், பயனாளிகள் பட்டியலில் விடுபட்டுள்ள மாற்றுத்திறனாளிகள் குறித்து விபரம் சேகரிக்கப்பட்டு வருகிறது. முழு விபரம் கிடைத்ததும், மாற்றுத்திறனாளி கார்டுதாரர்களுக்கு வீட்டிற்கு சென்று பொருட்கள் வழங்கப்படும்' என்றார்.