சென்னை:தமிழகத்தில் இம்மாதம் வீட்டு சமையல் காஸ் சிலிண்டர் விலை மாற்றம் செய்யப்படாமல், 868.50 ரூபாயாக நிர்ணயம் செய்யப்பட்டுள்ளது. வணிக சிலிண்டர் விலை, 57.50 ரூபாய் குறைந்து, 1,823.50 ரூபாயாக உள்ளது.

பொதுத்துறையை சேர்ந்த இந்தியன் ஆயில், பாரத் பெட்ரோலியம், ஹிந்துஸ்தான் பெட்ரோலியம் எண்ணெய் நிறுவனங்கள், வீடுகளுக்கு, 14.20 கிலோ எடையிலும், வணிக பயன்பாட்டிற்கு, 19 கிலோ எடையிலும் சமையல் காஸ் சிலிண்டர்களை விற்கின்றன.

இந்நிறுவனங்கள், சர்வதேச சந்தையில் நிலவும் கச்சா எண்ணெய் விலைக்கு ஏற்ப, மாதந்தோறும் முதல் நாளன்று, உள்நாட்டில் சமையல் காஸ் சிலிண்டர் விலையை மாற்றுகின்றன.

தமிழகத்தில் கடந்த மாதம் வீட்டு சிலிண்டர், 868.50 ரூபாய்க்கு விற்கப்பட்டது. இம்மாதம், அந்த சிலிண்டர் விலை மாற்றம் செய்யப்படாமல், அதே விலையே நிர்ணயம் செய்யப்பட்டுள்ளது.

கடந்த மாதம் 1,881 ரூபாய்க்கு விற்கப்பட்ட வணிக சிலிண்டர், இம்மாதம், 57.50 ரூபாய் குறைந்து, 1,823.50 ரூபாயாக நிர்ணயம் செய்யப்பட்டுள்ளது. இதன் விலை டில்லியில், 1,665 ரூபாயாகவும், மஹாராஷ்டிராவில், 1,616.50 ரூபாயாகவும், மேற்கு வங்கத்தில், 1,769 ரூபாயாகவும் உள்ளது.