'பஜாஜ் ஆட்டோ' நிறுவனம், மலிவு விலையில் 'சேத்தக் 2901' என்ற மின்சார ஸ்கூட்டரை அறிமுகப்படுத்தியுள்ளது. இது ஆரம்ப விலை ஸ்கூட்டர் என்பதால், சில அம்சங்கள் நீக்கப்பட்டுள்ளன.

இந்த ஸ்கூட்டரின் மோட்டார் திறன் குறைக்கப்பட்டுள்ளதால், இதன் வேகம், மணிக்கு 63 கி.மீ., வரை மட்டுமே செல்லும். இதன் ரேஞ் 123 கி.மீ., என்பதை பஜாஜ் நிறுவனம் குறிப்பிட்டுள்ளது.

மற்றபடி, மாறாத டிசைன், 5 வெளிப்புற நிறங்கள், ஒரே ரைடு மோடு, ஸ்டீல் வீல்கள், அதே எல்.சி.டி., டிஸ்ப்ளே ஆகியவை இதில் உள்ளன. கூடுதலாக 3,000 ரூபாய் செலுத்தினால், இரு ரைடு மோடுகள், ரிவர்ஸ் மற்றும் ஷில் ஹோல்டு வசதி, அலாய் சக்கரங்கள் ஆகியவை சேர்த்துக் கொள்ளலாம். இந்த ஸ்கூட்டரை முழுமையாக சார்ஜ் செய்ய, குறைந்தபட்சம், 6 மணி நேரம் தேவைப்படும்.