'ஒப்பந்த டிரைவர்கள் அல்ல'

விபத்தில் காயமடைந்தவர்களை மதுரை அரசு மருத்துவமனையில், போக்குவரத்து துறை அமைச்சர் சிவசங்கர் சந்தித்து நலம் விசாரித்தார். பின், அவர் கூறியதாவது: இரு பஸ்களையும் இயக்கியவர்கள் ஒப்பந்த டிரைவர்கள் அல்ல; அனுபவம் பெற்ற அரசு டிரைவர்கள் தான். மூன்று ஆண்டுகளில் நடந்த பெரிய கோர விபத்து இது. இதில் என்ன தவறு நடந்துள்ளது என்பது குறித்து ஆய்வு செய்து வருகிறோம். அனுபவமுள்ள, தகுதியான டிரைவர்கள் தான் அரசு பஸ்களுக்கு தேர்வு செய்யப்படுகின்றனர். ஏதோ சொல்ல வேண்டும் என்பதற்காக எதிர்க்கட்சிகள் குற்றஞ்சாட்டுகின்றனர். இதுபோன்ற விபத்துகள் நடக்காமல் இருக்க, இன்னும் கூடுதல் பயிற்சிகளை அளிப்போம். இந்த விபத்து அஜாக்கிரதை காரணமாக நடந்துள்ளது. டிரைவர்களுக்கு பணிச்சுமை இருக்கிறதா என்பது குறித்தும் ஆய்வு செய்வோம். இவ்வாறு அவர் கூறினார்.