பா.ம.க., நிறுவனர் ராமதாஸ் கடந்த 45 ஆண்டு காலமாக கட்சியின் பொறுப்பாளர்களை நியமிப்பதையும், நீக்குவதையும் செய்து வருகிறார். தலைவர் முதல் கிளைச் செயலர் வரை பொறுப்பாளர்களை நியமிக்கக்கூடிய அதிகாரம் படைத்தவர் ராமதாஸ் மட்டுமே.

ராமதாசை திட்டுவதற்காகவே சமூக ஊடக பேரவையை சேர்ந்த சிலர் உள்ளனர். அவர்கள் ராமதாஸ் ஆதரவாளர்களையும் விட்டுவைக்கவில்லை. சகட்டுமேனிக்கு விமர்சிக்கின்றனர்.

வாக்காளர்கள் அனைவரும் பா.ம.க., நிறுவனர் ராமதாஸ் பக்கம் தான் உள்ளனர். ராமதாசுடன் இருப்பவர்கள் விசுவாசிகள் கூட்டம். ஆனால், இன்றைக்கு பதவிக்காக அப்பாவை விட்டு அன்புமணி செல்வது சரியல்ல. எதிர்காலத்தில் அன்புமணி ஒரு தவறான உதாரணமாகி விடுவார் என்ற பயம் உள்ளது.

அப்பாவிற்கு மகன் கட்டுப்பட மாட்டேன் என்ற அன்புமணியின் போக்கு தவறான முன்னுதாரணமாகிவிடும். அதற்கு அன்புமணி ஆளாகிவிடக்கூடாது.

- அருள், எம்.எல்.ஏ., - பா.ம.க.,