ஆனால் அது தொடருமா என்று தெரியாது. அதே கூட்டணியில் இடம்பெற்று இருந்த பா.ம.க., இன்னும் அது பற்றி எந்த முடிவும் எடுக்கவில்லை. அவர்கள் எந்த அணியில் இருக்கிறார்கள் என்று அதிகாரப்பூர்வமாக அறிவிக்கவில்லை. தே.மு.தி.க., என்ன செய்யும் என்று யாருக்கும் தெரியாது. ஆகவே அவர்கள் இன்னும் கூட்டணியாக வடிவம் பெறவில்லை என்பது தான் எதார்த்தமான உண்மை.

விஜய்க்கு அ.தி.மு.க., அழைப்பு விடுப்பதாக சமூக ஊடகங்களில் செய்திகள் வந்து கொண்டு இருக்கின்றன. அவர் அப்படி ஒரு நிலைப்பாட்டை எடுப்பாரா, அ.தி.மு.க., தலைமையை ஏற்றுக்கொண்டு அவரும் அந்த கூட்டணியில் பங்குதாரர் ஆக போவாரா? அல்லது என்னுடைய தலைமையில் நீங்கள் எல்லாம் வாருங்கள் என்று சொல்வாரா என்று தெரியவில்லை. இந்த தேர்தலில் தி.மு.க., கூட்டணி தான் மீண்டும் மக்களின் செல்வாக்குடன் ஆட்சியை கைப்பற்றும் என்று பெரிதும் நம்புகிறேன். இவ்வாறு திருமாவளவன் கூறினார்.