சென்னை:தங்கம் விலை ஒரு சவரன், 65,000த்தை நெருங்கி உள்ளது.

தமிழகத்தில் நேற்று முன்தினம், 22 காரட் ஆபரண தங்கம் கிராம், 8,065 ரூபாய்க்கும், சவரன், 64,520 ரூபாய்க்கும் விற்பனையானது. வெள்ளி கிராம், 109 ரூபாய்க்கு விற்கப்பட்டது. நேற்று, தங்கம் விலை கிராமுக்கு, 55 ரூபாய் உயர்ந்து, 8,120 ரூபாய்க்கு விற்பனையானது. சவரனுக்கு, 440 ரூபாய் அதிகரித்து, 64,960 ரூபாய்க்கு விற்கப்பட்டது. கடந்த இரு தினங்களில் மட்டும், தங்கம் விலை சவரனுக்கு, 800 ரூபாய் உயர்ந்துள்ளது.

இதையடுத்து, சவரன் தங்கம் விலை, 65,000 ரூபாயை நெருங்கியுள்ளது. வெள்ளி கிராமுக்கு, 1 ரூபாய் உயர்ந்து, 110 ரூபாய்க்கு விற்பனையானது.