தமிழ்நாடு தலைமை செயலக சங்க தலைவர் வெங்கடேசன் அறிக்கை:

பெரும்பாலும் ஐ.ஏ.எஸ்., அதிகாரிகள் ஓய்வுபெற்ற பின், ஆலோசகர்களாக நியமிக்கப்பட்டனர். தற்போது ஆலோசகர்களின் நியமனங்கள், எவ்வித வரைமுறையும் இன்றி உள்ளன. இவர்களின் ஊதிய நிர்ணயத்திற்கு எந்த வழிகாட்டுதலும் பின்பற்றுப்படுவதில்லை.தமிழக அரசின் சிறப்பு திட்ட செயலாக்க துறையில், ஆலோசகர் பதவிக்கு ஒரு லட்சம் ரூபாய் தொகுப்பு ஊதியத்தில் நியமனம் செய்ய அறிவிப்பு வெளியிடப்பட்டு உள்ளது.அரசு பணியாளர் தேர்வாணையம் வாயிலாக தேர்வாகி வருபவர்களின் முக்கியத்துவம் மற்றும் திறமையையும் பின்னுக்கு தள்ளிவிட்டு, ஆலோசகர்கள் வாயிலாக, அரசு நிர்வாகத்தை நடத்துவது ஏற்புடையதல்ல.ஆலோசகர்களின் அறிவுரைப்படி அரசின் கொள்கை முடிவை மேற்கொள்ளும்போக்கு என்பது, சமூக நீதிக்கு எதிரானது. மத்திய அரசு, இணை செயலர், துணை செயலர், இயக்குனர் நிலையில் 45 பணியிடங்களை, மத்திய அரசு தன்னிச்சையாக நிரப்ப முயற்சித்தபோது, தமிழக அரசு எதிர்த்து குரல் கொடுத்தது.தற்போது, மாநில அரசில் எந்தவித சலனமுமின்றி, ஆலோசகர்கள் நியமனங்களை பன்மடங்கு அதிகரித்துள்ளது. இந்த போக்கு நீடித்தால், இளைய சமூகத்தின் அரசு வேலை என்ற கனவு சீரழிந்து விடும்.இவ்வாறு அவர் கூறியுள்ளார்.