கூட்டத்தில், ஸ்டாலின் பேசியதாவது: கர்நாடக அரசின் செயல் கண்டித்தக்கது. காவிரியில் தமிழகத்திற்குரிய பங்கு நீரை கர்நாடகா அரசு வழங்க மறுப்பதை ஏற்க முடியாது. காவிரியில் உரிய நீரை திறக்காததால் தமிழக விவசாயிகள் கடுமையாக பாதிக்கப்பட்டுள்ளனர். கடந்த ஆண்டு உச்சநீதிமன்றத்தை நாடி தமிழகத்திற்கு தேவையான தண்ணீரைப் பெற்றோம்.

பருவமழை சாதமகமாக இருக்கும் நிலையிலும் கர்நாடகா இப்படி செய்வதை ஏற்க முடியாது. காவிரி விவகாரத்தில் உச்சநீதிமன்றத்தை நாடி சட்டப்போராட்டம் நடத்தப்படும். தண்ணீர் திறக்க கோரி, கர்நாடகா அரசுக்கு ஆணையிட காவிரி மேலாண்மை ஆணையத்தை இந்த கூட்டம் வலியுறுத்துகிறது. காவிரி டெல்டா விவசாயிகளின் உரிமைகளை இந்த அரசு நிலை நாட்டும் என உறுதியளிக்கிறேன். இவ்வாறு ஸ்டாலின் பேசினார்.