/உள்ளூர் செய்திகள்/விருதுநகர்/ ஜி.எஸ்.டி., 12 சதவீத வரி முற்றிலும் நீக்கம் நோட்டு புத்தகங்கள் விலை குறைய வாய்ப்பு ஜி.எஸ்.டி., 12 சதவீத வரி முற்றிலும் நீக்கம் நோட்டு புத்தகங்கள் விலை குறைய வாய்ப்பு
ஜி.எஸ்.டி., 12 சதவீத வரி முற்றிலும் நீக்கம் நோட்டு புத்தகங்கள் விலை குறைய வாய்ப்பு
ஜி.எஸ்.டி., 12 சதவீத வரி முற்றிலும் நீக்கம் நோட்டு புத்தகங்கள் விலை குறைய வாய்ப்பு
ஜி.எஸ்.டி., 12 சதவீத வரி முற்றிலும் நீக்கம் நோட்டு புத்தகங்கள் விலை குறைய வாய்ப்பு
ADDED : செப் 05, 2025 12:45 AM
சிவகாசி:மாணவர்களுக்கான நோட்டு புத்தகங்களுக்கு 12 சதவீதமாக இருந்த ஜி.எஸ்.டி., முற்றிலும் நீக்கப்பட்டுள்ளதால் விலை குறைய வாய்ப்பு உள்ளதாக உற்பத்தியாளர்கள் தெரிவித்தனர்.
சிவகாசியில் 150 க்கும் அதிகமான அச்சகங்களில் நோட்டு புத்தகங்கள், பாடப் புத்தகங்கள், டைரிகள், காலண்டர்கள் தயாரிக்கப்பட்டு வருகிறது. இதில் 70 க்கும் மேற்பட்ட அச்சகங்கள் 20 முதல் 320 பக்கங்கள் வரை உள்ள நோட்டுகளை மட்டும் தயாரிக்கின்றன. இவை கேரளா, ஆந்திரா, கர்நாடக மாநிலங்களுக்கும் அனுப்பப்படுகிறது. இந்த ஆண்டு பேப்பர் விலை குறைவால் நோட்டுகளின் விலை 10 சதவீதம் வரை குறைந்தது.
இந்நிலையில் பென்சில், மேப், சார்ட், நோட்டு புத்தகங்கள், வரைபட புத்தகம், ஆய்வக புத்தகம், பயிற்சி புத்தகம் மற்றும் இவை உற்பத்தி செய்ய பயன்படும் காகிதம் ஆகியவற்றிற்கு விதிக்கப்பட்ட 12 சதவீத ஜி.எஸ்.டி., முற்றிலும் நீக்கப்பட்டுள்ளது. வரி விலக்கு மூலம் நோட்புக் விலை குறையும் என நோட்புக் தயாரிப்பாளர்கள் தெரிவித்தனர்.
இதுகுறித்து சிவகாசி சீமா நோட்புக் உரிமையாளர் மாரிராஜன் கூறியது: நோட்புக்குக்கான 12 சதவீத ஜி.எஸ்.டி., நீக்கப்பட்டது நேரடி பலனை அளிக்கும். ஆனால் பிற காகிதங்களுக்கான ஜி.எஸ்.டி., 12 ல் இருந்து 18 சதவீதமாக உயர்த்தப்பட்டுள்ளது தொழிலில் பாதிப்பை ஏற்படுத்தும், என்றார்.