சிவகாசி: சிவகாசி அருகே பூலாவூரணி ஊராட்சி கே.எஸ்.ஏ. ராஜதுரை நகரில் பெரும்பான்மையான தெருக்களில் ரோடு சேதம் அடைந்திருப்பதால் குடியிருப்புவாசிகள் பெரிதும் அவதிப்படுகின்றனர்.

சிவகாசி அருகே விளாம்பட்டி ரோட்டில் பூலாவூரணி ஊராட்சியை சேர்ந்த கே.எஸ்.ஏ. ராஜதுரை நகர் உள்ளது. இங்கே 25 க்கும் மேற்பட்ட தெருக்கள் உள்ளன. இங்குள்ள பெரும்பான்மையான தெருக்களில் ரோடு சேதமடைந்துள்ளது.

டூவீலரில் வருபவர்கள் அடிக்கடி தடுமாறி விழுகின்றனர். கார் உள்ளிட்ட பெரிய வாகனங்கள் செல்லும்போது டயரில் அடிக்கப்பட்ட கற்கள் பறந்து வீடுகளுக்குள் வருகின்றது. மேலும் சிறிய மழை பெய்தாலும் போக்குவரத்து முற்றிலும் பாதிக்கப்படுகின்றது. எனவே ராஜதுரை நகரில் தெருக்களில் சேதம் அடைந்த ரோடுகளை உடனடியாக சீரமைக்க வேண்டும் என குடியிருப்புவாசிகள் எதிர்பார்க்கின்றனர்.