ஒப்புக்கு நடக்கும் கூட்டம்

மேல்மலையனுார் அமாவாசை, மாசி தேர் திருவிழாற்கு முன்னதாக கலெக்டர் தலைமையில் ஆலோசனை கூட்டம் நடக்கிறது. கூட்டத்தில் பங்கேற்கும் அனைத்து துறை அதிகாரிகளும் கலெக்டரிடம் அளிக்கும் உத்தரவாதத்தை செயல்படுத்துவதில்லை. விழாக்களின் போது பக்தர்களுக்கு அடிப்படை வசதிகள் உள்ளனவா என்பதை எந்த அதிகாரிகளும் ஆய்வு செய்வதும் இல்லை. எனவே, ஆலோசனை கூட்டத்தில் மக்கள், பக்தர்கள் கருத்து தெரிவிக்கும் வகையில் முன் அறிவிப்பு செய்து மேல்மலையனுாரில் நடத்தினால் தான் மக்கள், பக்தர்களின் அவதி மாவட்ட நிர்வாகத்தின் கவனத்திற்கு செல்லும்.