விழுப்புரம்: எக்ஸ்பிரஸ் ரயிலில் கடத்திய 20 கிலோ குட்கா பொருட்களை ரயில்வே போலீசார் பறிமுதல் செய்தனர்.

விழுப்புரம் ரயில் நிலையம் 5வது பிளாட்பாரத்தில் நேற்று ரயில்வே சப் இன்ஸ்பெக்டர் முத்துசெல்வம், போலீசார் கிருஷ்ணராஜ், திவாகர் ஆகியோர் சோதனையில் ஈடுபட்டனர். அப்போது, புவனேஸ்வர் - புதுச்சேரி எக்ஸ்பிரஸ் ரயிலில், கேட்பாரற்று கிடந்த மூட்டையை கைப்பற்றி சோதனை செய்தனர். அதில், அரசால் தடை செய்த 20 கிலோ குட்கா பொருட்கள் இருந்தது தெரிந்தது.

போலீசார் வழக்குப் பதிந்து ரயிலில் குட்கா பொருட்களை கடத்தி வந்த நபர் குறித்து விசாரிக்கின்றனர்.