விழுப்புரம்: விழுப்புரம் மின் பகர்மான வட்டத்தில் மின் நுகர்வோர் குறைகேட்புக் கூட்டம் வரும் 6ம் தேதி துவங்குகிறது.

விழுப்புரம் மின் மேற்பார்வை பொறியாளர் லட்சுமி செய்திக்குறிப்பு:

விழுப்புரம் மின் பகிர்மான வட்டம், மேற்பார்வை பொறியாளர் லட்சுமி தலைமையில் கோட்ட அளவிலான மாதாந்திர மின் நுகர்வோர் குறைகேட்புக் கூட்டம் அந்தந்த கோட்ட அலுவலகங்களில் மாதம் தோறும் காலை 11:00 மணிக்கு நடக்கிறது.

விழுப்புரம் செயற் பொறியாளர் அலுவலகத்தில் வரும் 6ம் தேதியும், கண்டமங்கலத்தில் 13ம் தேதி, செஞ்சியில் 20ம் தேதி, திண்டிவனத்தில் 27ம் தேதியும் நடைபெறுகிறது.

மின் நுகர்வோர், தங்களின் குறைகளை மேற்பார்வை பொறியாளரிடம் தெரிவித்து பயன்பெறலாம். கூட்டம் நடைபெறும் நாளில், அரசு விடுமுறையாக இருந்தால், இதற்கு அடுத்து வரும் அலுவலக நாளில் கூட்டம் நடைபெறும்.

இவ்வாறு செய்திக்குறிப்பில் கூறப்பட்டுள்ளது.