வந்தவாசி : வந்தவாசி அருகே, பைக், மொபட் மோதிக் கொண்டதில், அரசு டாக்டர் பலியானார்.

திருவண்ணாமலை மாவட்டம் வந்தவாசியை அடுத்த ஓசூர் கிராமத்தை சேர்ந்தவர் மணிகண்டன், 27; வந்தவாசி அருகே மழையூர் ஆரம்ப சுகாதார நிலைய மருத்துவர். நேற்று முன்தினம் வழக்கம்போல் பணிக்கு, பல்சர் பைக்கில் சென்றார். வந்தவாசி - சேத்துப்பட்டு நெடுஞ்சாலையில், கீழ்சாத்தமங்கலம் கிராமம் கூட்டுச்சாலை அருகே, எதிரே வந்த டி.வி.எஸ்., மொபட், பைக் நேருக்குநேர் மோதிக் கொண்டன. இதில் படுகாயமடைந்த மணிகண்டன், மேல் சிகிச்சைக்காக, செங்கல்பட்டு அரசு மருத்துவமனைக்கு அனுப்பி வைக்கப்பட்ட நிலையில் இறந்தார். இதுகுறித்து பொன்னுார் போலீசார் விசாரிக்கின்றனர்.