செங்கம்:திருவண்ணாமலை மாவட்டம், செங்கம் பகுதியை சேர்ந்தவர் ராஜ விக்னேஷ், 31. இவரது நண்பர் தினகரன், 29.

கூலித் தொழிலாளிகளான இருவரும், செங்கம் அடுத்த பக்கிரிபாளையம் சென்றுவிட்டு, மீண்டும் திருவண்ணாமலை - பெங்களூரு சாலையில், ஒரே 'பஜாஜ்' பைக்கில் ஹெல்மெட் அணியாமல், நேற்று அதிகாலை 4:00 மணிக்கு வீடு திரும்பிக் கொண்டிருந்தனர்.

அப்போது, பக்கிரிபாளையத்தில் சாலையோரம் நின்றிருந்த லாரி மீது பைக் மோதியதில், பைக்கில் வந்த ராஜ விக்னேஷ் மற்றும் தினகரன் படுகாயமடைந்து, சம்பவ இடத்திலேயே பலியாகினர்.

செங்கம் போலீசார் விசாரிக்கின்றனர்.