புதிய தொழில்நுட்பத்துக்கு மாறுங்கள்!

பின்னலாடை வர்த்தக ஆலோசகர் கிரீஷ்:'டி-சர்ட்' உள்ளிட்ட பின்னலாடை தயாரிப்பில், மறுசுழற்சி முறையில் தயாரிக்கப்பட்ட பருத்தி மற்றும் செயற்கை நுாலிழை பயன்படுத்தப்படுகிறது. மறுசுழற்சி தொழில்நுட்பத்தால், ஒரு 'டி-சர்ட்' தயாரிக்க, 457 லிட்டர் தண்ணீர் பயன்பாடு குறைகிறது; 45 கிலோவாட் மின்சார பயன்பாடும் தவிர்க்கப்படுகிறது. வாகன போக்குவரத்தும், 42.83 கி.மீ., சேமிக்கப்படுகிறது. 'பழையன கழிதல்' என்பதை, பழைய தொழில்நுட்பத்தை மேம்படுத்துதல் என, பின்னலாடைத் தொழில்துறையினர் எடுத்துக்கொள்ள வேண்டும். பின்னல் துணியை வெட்டி தைக்கும் போது, கழிக்கப்படும் 'வேஸ்ட்'டில் இருந்து, மீண்டும் நுால் தயாரித்து, துணியாக மாற்றும் தொழில்நுட்பம் தற்போது, பல்வேறு படிநிலையில் செலவுகளை குறைத்துள்ளது.அந்தவகையில், திருப்பூர் பின்னலாடைத் தொழில்துறையினர், புதிய தொழில்நுட்பத்துக்கு மாற வேண்டும்; பழைய அம்சங்களை அப்படியே கழிக்காமல், அவற்றில் இருந்து உற்பத்தி மற்றும் தரத்தை மேம்படுத்துவது தொடர்பான முயற்சிகளும், ஆராய்ச்சியும் அவசியம்.