அண்டை மாநிலங்களுடன் போட்டி போட்டு விற்கலாம்

கோவை, திருப்பூர் மாவட்டங்களில் உற்பத்தியாகும் காடா துணிகள், மதிப்பு கூட்டு பொருளாக மாற்ற மேற்கொள்ளப்படும் பணிகளால் கூடுதல் செலவு மற்றும் காலதாமதம் ஆகிறது. பொது பயன்பாட்டு மையம் பயன்பாட்டுக்கு வரும்போது, துணிகள் இங்கேயே மதிப்பு கூட்டு பொருளாக மாற்றப்பட்டு, விறபனைக்கு தயாராகும் என்பதால், அண்டை மாநிலங்களுடன் போட்டி போட்டு விற்பனை செய்ய வாய்ப்பு உள்ளது.விசைத்தறிகள், சைசிங், பிரின்டிங் உள்ளிட்ட அனைத்து கட்டமைப்புகளுடன் பொது பயன்பாட்டு மையம் அமைகிறது. கட்டுமான பணிகள் முடிந்த நிலையில், இயந்திரங்கள் நிறுவுவதற்கான டெண்டர் விடும் பணி நடந்து வருகிறது. இப்பணிகள் முடிந்ததும், ஒரு சில மாதங்களில் பொது பயன்பாட்டு மையம் முழுமையான பயன்பாட்டுக்கு வரும்.- பாலசுப்ரமணியம், செயலாளர், திருப்பூர், கோவை மாவட்ட விசைத்தறி உரிமையாளர் சங்கம்.