அன்றைய பாடத்தை

அன்றன்றே படிக்கணும்!பள்ளி அளவில் முதலிடம் பெற்ற மாணவி தாராஸ்ரீ கூறுகையில், ''வகுப்பாசிரியர் ரேவதி உட்பட அனைத்து ஆசிரியர்களும் புரியும் வகையில் பாடங்களை சிறப்பாக கற்றுக்கொடுத்தனர். அன்றாட பாடங்களை அன்றே படித்து தேர்வுக்கு தயாரானேன். வீட்டுப்பாடங்களில் எதனையும் ஒத்திவைக்க கூடாது என ஆசிரியர்கள் தொடர்ந்து அறிவுரை வழங்கினர். அதன்படியே செய்தேன். தலைமை ஆசிரியர் வகுப்புக்கு வந்து இலக்கண பகுதி, எழுத்து பிழை இல்லாமல் அழகாக எழுதுவது உள்ளிட்டவற்றை கற்றுத்தருவர். சிறப்பு வகுப்பு எவ்வகையில் எங்களுக்கு பயன்படுகிறது என்பதை அடிக்கடி எடுத்துக்கூறுவர். கல்வியாண்டு துவக்கத்தில் இருந்தே நுாறு சதவீத மதிப்பெண்ணை இலக்கே இருக்க வேண்டுமென கூறி ஊக்கப்படுத்தினர். அதனால், நன்கு படித்து நல்ல மதிப்பெண் எடுக்க முடிந்தது,'' என்றார்.