எவ்வாறு வெற்றிகளை திருப்பூர் வசமாக்கலாம்?

திருப்பூர் தொழில் துறையைப் பொறுத்தவரை, மிகக் குறுகிய காலத்தில், அபார வளர்ச்சி பெற்றிருக்கிறது. கடந்த நிதியாண்டில் 70 ஆயிரம் கோடி ரூபாய்க்கு ஆண்டு வர்த்தகம் நடைபெற்று உள்ளன. வெளிநாடுகளுக்கு 40 ஆயிரம் கோடி ரூபாய்க்கு ஏற்றுமதி ஆகி இருக்கிறது. இந்திய நாட்டின் ஒட்டுமொத்த பின்னலாடை ஏற்றுமதியில் திருப்பூர் தொழில் நிறுவனங்களின் பங்கு 55 சதவீதம் என்பது மகத்தான சாதனை. நாட்டின் ஒட்டுமொத்த உற்பத்திக்கு கணிசமான பங்களிப்பு. வலுவான பின்புலம், முறையான செயல்முறைகள், நிபுணத்துவ வழிகாட்டுதல்கள் எதுவும் இன்றி, இந்த துறை சுயமாக வளர்ந்து இருப்பது பாராட்டக் கூடியது.
இது வேறெங்கும் காண முடியாத சாதனை மைல் கல். ஆனால், உலகத்தின் ஏதாவது ஒரு மூலையில் ஏற்படும் சிறு சலனம், அரசு விதிமுறைகளில் ஏற்படுத்தும் மாற்றங்களால், இந்த தொழில் துறை தாக்கத்துக்கு ஆளாவதும், பின்னர் சுய முயற்சியால் மீண்டெழுவதும் அடிக்கடி நடக்கிறது. அனைத்து நிறுவனங்களும் கூட்டாக ஒருங்கிணந்து, வளர்ந்து வரும் செயற்கை நுண்ணறிவு தொழில் நுட்பத்தைப் பயன்படுத்தினால் திருப்பூர் தொழில் நிறுவனங்களால் தொடர் வணிக வெற்றிகளை வசப்படுத்த முடியும்.
அதற்கு ஹார்ட்புல்னெஸ் தியானப் பயிற்சி முறையும், நிபுணர்களின் தொழில் நுட்ப வழிகாட்டுதல்களும் உறுதுணையாக இருக்கும். அவற்றை வழங்க ஹார்ட்புல்னெஸ் அமைப்பு தயாராக உள்ளது.