திருப்பூர்; திருப்பூர் ரயில்வே ஸ்டேஷன் முதல் பிளாட்பார்ம் மேற்கில் இருந்து கிழக்கு பகுதி வரை சப்-லைனில் (மாற்றுப்பாதையில்) மின் இணைப்புகள் எவ்வாறு உள்ளன, ஏதேனும் பழுதுகள் உள்ளதா, இணைப்புகளில் விரிசல் உள்ளதா என்பது குறித்து பொறியியல் குழுவினர் ஆய்வு செய்தனர்.

மின்பராமரிப்பு வாகனம் மூலம் பத்தடி ஒரு இடத்தில், மின்கம்பங்கள் உள்ள இடத்தில் மெயின்லைன் (ஈரோடு - திருப்பூர்- கோவை) வழித்தட பாதையில் இருந்து, ஸ்டேஷனில் இருந்து வரும் இணைப்புகள் பரிசோதிக்கப்பட்டது.

மின்பராமரிப்பு பொறியியல் அதிகாரிகள் கூறுகையில், '99 சதவீதம் மின் மயமாக்கப்பட்ட ரயில்கள் மட்டும் இயங்குவதால், ரயில்கள் இயக்கம் சீராக இருக்க, குறிப்பிட்ட கால இடைவெளியில் மின் இணைப்புகள் பரிசோதிக்கப்படுகிறது; ஊத்துக்குளி வரை இப்பணிகள் நடக்கும்,' என்றனர்.