ஐந்து மாதங்களில், 219 வழக்கு

திருப்பூர் மாநகரை பொறுத்த வரை தற்போதுள்ள கமிஷனரின் கெடுபிடி மற்றும் போலீசாரை விரட்டி வேலை வாங்குவதால் தனிப்படையினர் சுழற்சி முறையில் ஒரு இடத்தில் மட்டுமல்லாமல், பரவலாக கண்காணித்து சோதனை செய்கின்றனர். இந்தாண்டு, கடந்த ஜன., முதல் மே மாதம் வரை என, ஐந்து மாதங்களில், 219 வழக்கு பதியப்பட்டு, 230 பேர் கைது செய்யப்பட்டனர். அவர்களிடம், 21 லட்சம் ரூபாய் மதிப்புள்ள, 211 கிலோ கஞ்சா பறிமுதல் செய்யப்பட்டது. இளைஞர்கள் மத்தியில் போதைக்காக வலி நிவாரண மாத்திரைகளை பயன்படுத்துவது அதிகரித்துள்ளது. இதை சப்ளை செய்ய கூடிய நபர்கள் கண்காணிக்கப்பட்டு வருகின்றனர். ஐந்து மாதத்தில் மட்டும், 4,800 மாத்திரைகளை போலீசார் பறிமுதல் செய்தனர்.