'விதிமுறைகளில் மாற்றம் தேவை'

அரசு கல்லுாரி முதல்வர்கள் கூறியதாவது:எவ்வளவு கல்லுாரிக்கு, எத்தனை பாடங்களுக்கு வேண்டுமானால் விண்ணப்பிக்கலாம் என்பதாலும்; அரசு கல்லுாரிகளில் விண்ணப்ப கட்டணம் குறைவு என்பதாலும், ஒரு மாணவர் அல்லது மாணவி, ஐந்து முதல், 25 கல்லுாரிகளுக்கு, சில நேரங்களில் ஒரே கல்லுாரியில் பெரும்பாலான பாடப்பிரிவுக்கும் விண்ணப்பித்து விடுகின்றனர்.கவுன்சிலிங் அழைப்பு விடுக்கும் போது, ஒருவருக்கு பலமுறை போன் செய்ய வேண்டியுள்ளது. பெரும்பாலானோர் வேறு கல்லுாரிகளை தேர்வு செய்தவர்களாக உள்ளனர். கல்லுாரி நிர்வாகங்களுக்கு மிகுந்த நேர விரயம் ஏற்படுகிறது. ஒரு மாணவர், ஒரு மாணவி குறிப்பிட்ட அல்லது குறைந்தபட்ச எண்ணிக்கையிலான கல்லுாரிக்கு மட்டும் விண்ணப்பிக்க முடியும்.மாவட்டம் அல்லது மண்டலத்துக்குள் விண்ணப்பிக்கலாம் என விதிமுறைகளில் மாற்றம் கொண்டு வர வேண்டும். ஒரு கல்லுாரியில் ஒருவர் இணைந்து விட்டால், அடுத்த கல்லுாரிக்கு விண்ணப்பிக்க முடியாதவாறு விதிகளில் மாற்றம் கொண்டு வர வேண்டும். இதன் மூலம் கல்லுாரி கவுன்சிலிங்கில் மாணவர் காத்திருப்பது குறையும்.