ஒருபுறம் மீட்பு; மறுபுறம் குளறுபடி

ஸ்மார்ட் சிட்டி திட்டத்தில், திருப்பூர் மாநகராட்சி நிர்வாகம், நொய்யலை சுத்தப்படுத்தி, இருபுறமும் பாதை அமைத்து வருகிறது. ஆற்றில் குப்பை கொட்டுவதை தடுக்க, கம்பிவேலி அமைத்துள்ளது. நொய்யலை மீட்டெடுக்க, திருப்பூர் தொழில் அமைப்புகளும் விழிப்புணர்வு ஏற்படுத்தி வருகின்றன. இந்நிலையில், மங்கலத்தில், ஆற்றின் அருகே சேகரித்த குப்பையை இருப்பு வைப்பது, மங்கலத்தை மட்டுமல்ல; அடுத்துள்ள மாநகராட்சி பகுதிகளையும் பாதிக்க செய்யும். எனவே, மாவட்ட நிர்வாகம் தலையிட்டு, மங்கலம் பகுதி மக்கள் நலன்கருதியும், நீர்நிலைகள் பாதுகாப்பை உணர்ந்தும், உரிய நடவடிக்கை எடுக்க வேண்டும்,.