மனுக்கள் தேக்கம்

பல்லடம் தாலுகாவில், சமீபத்தில் ஜமாபந்தி நடந்து முடிந்தது. ஜமாபந்தியில் மனு கொடுத்தால் உடனுக்குடன் பிரச்னைக்கு தீர்வு கிடைக்கும் என்று ஏராளமான பொதுமக்கள் மனு கொடுத்தனர். தற்போது வருவாய் துறையினர் இரண்டு ஏக்கருக்கு மேல் உள்ள பூமி தான இயக்க நிலங்கள் குறித்த கணக்கெடுப்பை நடத்தி வருகின்றனர். இதனால் ஜமாபந்தியில் கொடுத்த மனுக்கள் மீதான நடவடிக்கையில் சுணக்கம் ஏற்பட்டுள்ளது. பொதுமக்கள் கூறுகையில், 'உடனடி தீர்வு கிடைக்கும் என்ற நம்பிக்கையில் மனு கொடுத்த மக்களுக்கு அதிகாரிகள் உடனடியாக தீர்வு காண வேண்டும். இதில், தாமதம் செய்வது ஏற்புடையது அல்ல,' என்றனர்.