துாத்துக்குடி:துாத்துக்குடியில் ரூ.24 கோடி மதிப்பிலான ஐஸ் கிரிஸ்டல் பெட்டாமைன் என்ற போதைப்பொருளை வீட்டில் பதுக்கிய கணவன் , மனைவி கைது செய்யப்பட்டனர்.

துாத்துக்குடியில் எஸ்.பி., பாலாஜி சரவணன் உத்தரவில் போலீசார் இனிகோ நகரில் ஒரு வீட்டில் சோதனை மேற்கொண்டனர். அங்கே ஐஸ் கிரிஸ்டல் மெத்தெம் பெட்டாமைன் என்ற போதைப்பொருள் பதுக்கி வைக்கப்பட்டிருந்தது. பறிமுதல் செய்யப்பட்ட 8 கிலோ எடையுள்ள அதன் சர்வதேச மதிப்பு ரூ.24 கோடியாகும்.

இதுதொடர்பாக தூத்துக்குடி மட்டக்கடையை சேர்ந்த நிர்மல்ராஜ் 29, அவரது மனைவி ஷிவானி 28, கைது செய்யப்பட்டனர். இவர்களுக்கு எங்கிருந்து போதைப்பொருள் கிடைத்தது, எங்கு கடத்த திட்டமிட்டனர் என்பது குறித்து விசாரணை நடக்கிறது.