அதிகாரிகள் அலட்சியம் நகர மக்களுக்கு அல்லல் திருவள்ளூர் கலெக்டர் பிரதாப், பருவ மழைக்கு முன்பாக, முன்னேற்பாடுகளை எடுக்க வேண்டும் என, பலமுறை கூட்டம் நடத்தி அதிகாரிகளுக்கு அறிவுரை வழங்கினார். ஆனால், அவரது அறிவுரையை, எந்த துறையும் பின்பற்றுவதாக தெரியவில்லை. மாவட்ட தலைநகராக திகழும், திருவள்ளூர் நகராட்சியும் பின்பற்றவில்லை. வரும் முன் காப்பதே மேல் என்பதை அறிந்தும், அதிகாரிகள் துறை ரீதியான ஒற்றுமை இன்மையால், வந்த பின் அவசரம், அவசரமாக நடவடிக்கை எடுப்பதை வழக்கமாக்கி கொண்டு உள்ளனர். எனவே, இனியாவது விழித்துக் கொண்டு, திருவள்ளூர் நகரில் தாழ்வான பகுதிகள் எவை, தண்ணீர் வெளியேறாமல் தேங்கும் இடங்கள், அவற்றை வெளியேற்றுவது எப்படி, கால்வாயை துார் வாருதல் போன்ற பணிகளை முடுக்கி விடுவது நலம்.