இடுபொருட்கள் வழங்கல்

கும்மிடிப்பூண்டி அருகே தேர்வாய்கண்டிகை சிப்காட் வளாகத்தில் உள்ள எஸ்.எல்.பி., எத்தனால் தொழிற்சாலையில் நேற்று, விவசாயிகளுக்கு மக்காச்சோளம் பயிரிடுவதற்கான இடுபொருட்கள் வழங்கப்பட்டன.தமிழக வேளாண்மை மற்றும் விவசாயிகள் நலத்துறை சார்பில் நடந்த விழாவில், மாவட்ட வேளாண் இணை இயக்குநர் கலாதேவி தலைமை வகித்தார். தமிழ்நாடு வேளாண் பல்கலைக்கழக சிறுதானிய துறை பேராசிரியர் மற்றும் தலைவரான சிவகுமார், எஸ்.எல்.பி., எத்தனால் தொழிற்சாலை இணை இயக்குநர் ஆர்.லட்சுமிபதி ஆகியோர் முன்னிலை வகித்தனர்.
விழாவில், திருவள்ளூர் மாவட்டத்தில் உள்ள அனைத்து ஒன்றியங்களில் இருந்து தேர்வு செய்யப்பட்ட, 100 விவசாயிகளுக்கு, சோதனை அடிப்படையில் 1 ஏக்கரில் மக்காச்சோளம் பயிரிடுவதற்கான அனைத்து இடுபொருட்களும் வழங்கப்பட்டன. தொழிற்சாலை உற்பத்தியில் மக்காச்சோளத்தின் தேவை குறித்தும், நேரடி கொள்முதல் வசதி, நிலையான வருவாய் குறித்தும், எஸ்.எல்.பி., எத்தனால் தொழிற்சாலையின் இணை இயக்குநர் ஆர்.லட்சுமிபதி பேசினார்.மக்காச்சோளம் பயிரிட்டு பராமரிக்கும் முறை குறித்து, வேளாண் விஞ்ஞானிகள் டாக்டர் கதிர்வேலன், டாக்டர் சீனிவாசன், சேலம் மாவட்டத்தைச் சேர்ந்த சாகுபடியாளர் சண்முகம் ஆகியோர் விளக்கினர்.