கும்மிடிப்பூண்டி:பைக்கில் இருந்து கீழே விழுந்த மூதாட்டி பலியானார்.

ஆந்திர மாநிலம் நெல்லுார் மாவட்டத்தை சேர்ந்தவர் போலம்மா, 60. இரு தினங்களுக்கு முன் உறவினர் லட்சுமணன் என்பவருடன், டூ - வீலரில் சத்தியவேடு நோக்கி சென்று கொண்டிருந்தார்.

பூவலம்பேடு அருகே, திடீர் பிரேக் போட்ட போது பின்னால் அமர்ந்திருந்த போலம்மா தடுமாறி கீழே விழுந்து படுகாயம் அடைந்தார். சென்னை ஸ்டான்லி மருத்துவமனையில் அனுமதிக்கப்பட்டு இருந்த அவர், நேற்று முன்தினம் உயிரிழந்தார்.