கலெக்டர் அறிவுரை

திருவள்ளூர் மாவட்டத்தில் கள்ளச்சாராயம் ஒழித்தல் குறித்த கலந்தாலோசனை கூட்டம், கலெக்டர் அலுவலகத்தில் நேற்று நடந்தது. கலெக்டர் பிரபுசங்கர் தலைமை வகித்து பேசியதாவது:திருவள்ளூர் மாவட்டத்தில் கள்ளச்சாராயம் காய்ச்சுதல் மற்றும் விற்பனை செய்தல், கள்ளத்தனமாக மதுபானங்கள் விற்பனையை தீவிரமாக கண்காணிக்க வேண்டும்.
அண்டை மாநில மதுபானங்கள் விற்பனை, கஞ்சா கடத்தல் மற்றும் விற்பனை செய்தல் மற்றும் அரசால் தடைசெய்யப்பட்ட போதை பொருள் கடத்துதல் மற்றும் விற்பனை செய்தால் கடும் நடவடிக்கை எடுக்க வேண்டும். கோட்ட அளவில் வாரந்தோறும் ஆய்வு கூட்டம் கோட்டாட்சியர் தலைமையில் சட்டம் - ஒழுங்கு மற்றும் மதுவிலக்கு போலீசார் பங்கேற்று அறிக்கை சமர்ப்பிக்க வேண்டும்.இவ்வாறு அவர் பேசினார்.
கூட்டத்தில் மாவட்ட வருவாய் அலுவலர் ராஜ்குமார், பொன்னேரி சப் - கலெக்டர் சங்கேத் பல்வந்த் வாஹே, பயிற்சி கலெக்டர் ஆயுஷ் குப்தா, திருத்தணி ஆர்.டி.ஓ., தீபா மற்றும் அனைத்து துறை அலுவலர்கள் பங்கேற்றனர்.