திருவள்ளூர்,:அம்பத்துார் மகளிர் ஐ.டி.ஐ.,ல் மாணவியர் நேரடி சேர்க்கை வரும், 16 வரை நீட்டிக்கப்பட்டுள்ளது.

திருவள்ளூர் கலெக்டர் பிரபுசங்கர் விடுத்துள்ள செய்திக்குறிப்பு:

அம்பத்துார் அரசினர் மகளிர் தொழிற் பயிற்சி நிலையத்தில், தையல் தொழிற்நுட்பம், கோபா, கட்டடப் பட வரைவாளர் மற்றும் 'ஸ்டெனோகிராபர்' ஆகிய பயிற்சி அளிக்கப்பட்டு வருகிறது. 8, 10ம் வகுப்பு தேர்ச்சி, மற்றும் பிளஸ் 2 வகுப்பு தேர்ச்சி மற்றும் தேர்ச்சி பெறாதோர் இப்பயிற்சிக்கு நேரடி மாணவியர் சேர்க்கை, வரும் 16 வரை நீட்டிக்கப்பட்டுள்ளது.

பயிற்சியில் சேருவோருக்கு மாத உதவி தொகை 750 ரூபாய், இலவச பஸ் பாஸ், சைக்கிள், பாட புத்தகங்கள், வரைபட கருவிகள், இரு செட் சீருடைகள், ஷூ மற்றும் சிறந்த தொழிற் நிறுவனங்களில் வேலை வாய்ப்பு வழங்கப்படும்.

ஆர்வம் உள்ளோர் அனைத்து சான்றிதழ்களுடன், நேரில் அணுகலாம். விவரங்களுக்கு, 98407 56210, 94440 17528 ஆகிய எண்களில் தொடர்பு கொள்ளலாம்.

இவ்வாறு அதில் கூறப்பட்டுள்ளது.