ஊத்துக்கோட்டை:ஊத்துக்கோட்டை அருகே, சூளைமேனி கிராமத்தில் உள்ளது எலமாத்தம்மன் கோவில். பக்தர்கள் பங்களிப்புடன் கட்டப்பட்ட இக்கோவிலில், 9ம் ஆண்டு தீமிதி திருவிழா வரும், 11ம் தேதி நடக்கிறது.

நேற்று முன்தினம் காலை, 9:00 மணி கொடியேற்றத்துடன் விழா துவங்கியது. காலை, 10:30 மணிக்கு அம்மனுக்கு மற்றும் பக்தர்களுக்கு காப்பு கட்டுதல் நிகழ்ச்சி நடந்தது.

ஒவ்வொரு நாளும் கூழ் ஊற்றுதல், பக்தர்கள் தீச்சட்டி எடுத்தல், சிவன் -- பார்வதி திருக்கல்யாண உற்சவம், பெண்கள் முளப்பாரி ஏந்துதல், பால் குடம் எடுத்தல், சவுக்கு மரம் ஏறும் விளையாட்டு ஆகிய நிகழ்ச்சிகள் நடைபெறும்.

விழா ஏற்பாடுகளை கிராம பெரியோர்கள் மற்றும் பொதுமக்கள் செய்து வருகின்றனர்.