திருநெல்வேலி,:திருநெல்வேலி மாவட்டம் மானுார் அருகே தெற்கு பட்டியைச் சேர்ந்தவர் முகமது மைதீன், 33, கூலி தொழிலாளி.

நேற்று முன்தினம் இரவு, தன் 8 வயது மகள் நஸ்ரியாவுடன் டூ-வீலரில் வீட்டுக்கு திரும்பி கொண்டிருந்தார். எதிரே வந்த ஆட்டோ, டூ-வீலர் மீது மோதியதில் தந்தை, மகள் காயமுற்றனர். திருநெல்வேலி அரசு மருத்துவமனைக்கு கொண்டு செல்லும் வழியில் சிறுமி இறந்தார். முகமது மைதீனுக்கு சிகிச்சை அளிக்கப்படுகிறது. மானுார் போலீசார் விசாரிக்கின்றனர். ஆட்டோ டிரைவர் முகேஷ் குமார் கைது செய்யப்பட்டார்.