தேனி: தேனி வடவீரநாயக்கன்பட்டி ரோடு, தொழிலாளர் நல வாரிய அலுவலகம் அருகில் கனரா வங்கி ஊரக சுய வேலை வாய்ப்பு பயிற்சி மையத்தில் வீட்டு உபயோக பொருட்கள் பழுது பார்த்தல், சோலார் பேனல் நிறுவுதல், ஏசி., பிரிட்ஜ் பழுதுபார்த்தல் போன்ற பயிற்சி ஜூன் 16ல் துவங்க உள்ளது. 18வயது நிரம்பிய, வேலை இல்லா கிராமப்புற ஆண்கள், பெண்கள் விண்ணப்பிக்கலாம்.

பயிற்சி, தங்குமிடம், உணவு இலவசம். தினமும் காலை 9:30 முதல் மாலை 5:30 வரை 35 நாட்கள் பயிற்சி நடக்கும். பயிற்சியில் தேர்ச்சி பெறுவோருக்கு மத்திய அரசு சான்றிதழ் வழங்கப்படும். தொழில் துவங்க வங்கிக்கடன் ஆலோசனை வழங்கப்படும்.

பயிற்சி பெற விரும்புவோர் தங்களது புகைப்படம், ஆதார் அட்டை நகலுடன் ஜூன் 16க்கு முன் நேரில் வந்து முன்பதிவு செய்து கொள்ளலாம். கூடுதல் விபரங்களுக்கு 95003 14193 என்ற எண்ணில் தொடர்பு கொள்ளலாம் என, பயிற்சி மைய இயக்குனர் ரவிக்குமார் தெரிவித்துள்ளார்.