போடி : போடி வட்டார ஓய்வு பெற்ற அலுவலர்கள் சங்க செயற்குழு கூட்டம் தலைவர் காந்தி தலைமையில் நடந்தது.

செயலாளர் பரமசிவம், பொருளாளர் ரபி அகமது கிட்வாய், துணைத் தலைவர் பரமசிவம் முன்னிலை வகித்தனர். செயற்குழு உறுப்பினர் கருப்பையா வரவேற்றார்.

கூட்டத்தில், ''ஓய்வூதியம் பெறுவதில் ஏற்படும் குறைகளை நிவர்த்தி செய்ய வேண்டும். எழுபது வயது நிரம்பிய நபர்களுக்கு கூடுதலாக 10 சதவீதம் ஊதியம் வழங்க வேண்டும். மருத்துவ காப்பீட்டுத் திட்டத்தில் உள்ள குறைகளை நிவர்த்தி செய்ய வேண்டும். அரசு மருத்துவமனையில் ஓய்வூதியர்களுக்கு தனி வார்டு அமைத்து சிகிச்சை அளிக்க வேண்டும்.

பழைய ஓய்வூதிய திட்டத்தை நடை முறைப்படுத்த வேண்டும். அனைத்து துறைகளிலும் காலியாக உள்ள காலிப் பணி இடங்களை நிரப்ப அரசு முன்வர வேண்டும்.'' என்பன, உட்பட பல்வேறு தீர்மானங்கள் நிறைவேற்றப்பட்டன.