தேனி : கலெக்டர் அலுவலகத்தில் பள்ளிக்கல்வித் துறை சார்பில் உயர்கல்வி வழிகாட்டுதல் ஆலோசனை மையம் துவங்கப்பட்டுள்ளது.

இந்த மையத்தில் பிளஸ் 2 முடித்த மாணவர்களுக்கு ஆலோசனை வழங்க ஆசிரியர்கள், ஆலோசகர்கள் நியமிக்கப்பட்டு உள்ளனர். இம்மையத்தினை கலெக்டர் ரஞ்ஜீத்சிங் நேரில் பார்வையிட்டார். தொடர்ந்து செயல்பாடுகள் பற்றி கேட்டறிந்தார். உயர்கல்வி ஆலோசனை தேவைப்படும் மாணவர்கள் திங்கள் முதல் வெள்ளி வரை காலை 10:00 முதல் மாலை 5:00 மணி வரை 82200 77114, 78717 42115 என்ற அலைபேசியில் தொடர்பு கொள்ளலாம் என, கலெக்டர் தெரிவித்துள்ளார்.